Москва, 2-й Красносельский пер., д.7, стр.8
Тел. (499) 264 72 74
http://www.hram-ks.ru
Русская Православная Церковь
Московский Патриархат

Версия для печати

Молитвослов

Молитвы, составленные духовником и прихожанами нашей обители


Служба в честь иконы Божией Матери "Всецарица"

Акафист Божией Матери пред Ея иконой "Всецарица"

Дополнение к службе святой равноапостольной Марии Магдалине

Акафист святым Царственным страстотерпцам

Акафист святителю Нектарию Эгинскому

Священномученику Серафиму, еп.Дмитровскому (Звездинскому)

Тропарь, глас 4.
Неземнаго света причастниче, житие ангелонравное имевый, ко Христу всем сердцем прилепивыйся и Божия Матере явления сподобивыйся, паству свою мудре управил еси и веры ради пострадал еси даже до крове. Священномучениче Серафиме, моли Христа Бога спастися душам нашим.

Кондак, глас 8.
Во святителех благочестно пожив и страдания путь прошед, служением Божественныя литургии Христу сочетаваяся, горе сердце имел еси, о всем Господа благодаря, и в молитве выну пребывал еси. Темже тя почитающе вопием ти: от бед избави ны присно мольбами твоими, святителю отче наш Серафиме.

Преподобной Таисии (пам. 8/21 октября)

Кондак, глас 2
От деяний студных к покаянию обратившися, потоки слезными скверну греховную омыла еси и пощением тело свое изнурила еси, ни о чесомже разве покаяния помышляющи. Темже Творца умолила еси, спасение и блаженство вечное улучивши. Сего ради молим тя, мати Таисие: моли Христа Бога грехов оставление нам низпослати и спастися душам нашим.



Избранные молитвы ко Господу

Просвети очи мои, Христе Боже мой, показавый мне свет Твой прекрасный. Господи мой, Господи, прибавь мне лето к лету, дабы впредь во грехах покаявшись, исправил я жизнь свою. Аминь.
(Эту молитву читал Владимир Мономах при восходе солнца)

Слава Тебе, Господи Иисусе Христе, Сыне Божий, Спасителю мой, Упование мое, Надеждо моя, Господь мой и Бог мой, показавый мне свет Твой, слава Тебе.

Буди благословен день и час, воньже Господь мой Иисус Христос мене ради родися, распятие претерпе и смертию пострада. О, Господи, Иисусе Христе, Сыне Божий, в час смерти моея приими дух раба Твоего в странствовании суща, молитвами Пречистыя Матере Твоея и всех Твоих Святых. Аминь.
(Эту молитву читал святитель Иоасаф Белгородский на каждый час)

Владыко, Господи, Иисусе Христе, Сыне Бога Живаго, Творче Неба и земли, Спасителю мира, Упование всех концев земли и сущих в море далече, прими нынешнее моление мене, непотребнаго раба Твоего, и исполни во благих вся желания моя, во имя Отца и Сына и Святаго Духа. Аминь.
(Трижды, с земными поклонами)

Господи Боже мой, вонми гласу моления моего, буди мне Прибежищем, Помощником и Заступником на всяком месте владычествия Твоего и сделай мне так, как угодно Тебе, Господу Богу моему.

Изведи из темницы душу мою, исповедатися имени Твоему. Иисусе, Сыне Божий, помилуй мя. Привлецы мене, да приду к Тебе; в темнице заключен есмь, Господи, и тьма окружает меня. Связан многими узами железными и несть ми ослабления, расторгни узы, да свободен буду; прожени тьму, да узрю свет Твой, изведи из темницы, да приду к Тебе. Аминь.

Помяни, Господи, всех милости Твоея чающих и Тя призывающих.

Господи, дай мне силу изменить в моей жизни то, что я могу и должен изменить. Господи, дай мне терпение, дабы перенести в своей жизни то, чего я не могу изменить и над чем не властен. Господи, дай мне мудрость, дабы различать первое от второго.

Скоро предвари, прежде даже не поработимся врагом, хулящим Тя и претящим нам, Христе Боже наш, погуби Крестом Твоим боющия ны, да уразумеют како может православных вера, молитвами Богородицы, едине Человеколюбче.
(Выделенные слова читаются четыре раза, при каждом произнесении совершается осенение крестом: на восток, на запад, на север, на юг)


Молитва святителя Филарета Дроздова
Господи! Не знаю, чего просить у Тебя! Ты один знаешь, что мне потребно. Ты любишь меня паче, нежели я умею любить себя. Отче! Даждь рабу Твоему - чего и сам я просить не умею. Не дерзаю просить ни креста, ни утешения. Только предстою пред Тобою, сердце мое Тебе отверсто. Ты зришь нужды, которых я не знаю. Зри! - и сотвори со мною по милости Твоей! Порази и исцели, низложи и подыми меня. Благоговею и безмолвствую пред святою Твоею волею и непостижимыми для меня Твоими судьбами. Приношу себя в жертву Тебе. Предаюсь Тебе. Нет у меня желания, кроме желания - исполнить волю Твою. Научи меня молиться. Сам во мне молись! Аминь.

Молитва святого праведного Иоанна Кронштадского
Господи, имя Тебе Любовь: не отвергни меня заблуждающагося. Имя Тебе Сила: укрепи меня, изнемогающего и падающего. Имя Тебе Свет: просвети душу мою, омраченную житейскими страстями. Имя Тебе Мир: умири мятущуюся душу мою. Имя Тебе Милость: не переставай миловать меня. Аминь.

Молитва перед началом всякого дела
Господи Иисусе Христе, Сыне Божий, Единородный, Безначального Твоего Отца, Ты рекл еси пречистыми устами Твоими: яко без Мене не можете творити ничесоже. Господи мой, Господи, верою объем в души моей и сердце Тобою реченная, припадаю благости Твоей: помози ми грешному сие дело, мною начинаемое, о Тебе Самом совершити, во имя Отца и Сына и Святаго Духа, молитвами Богородицы и всех Твоих святых. Аминь.

Молитва по окончании дела
Исполнение всех благих Ты еси, Христе мой, исполни радости и веселия душу мою и спаси мя, яко един Многомилостив, Господи, слава Тебе.
Достойно есть...

Молитва иеросхимонаха Парфения Киевского

Господи Иисусе Христе, Сыне Божий, не попусти, чтобы суетность, самолюбие, чувственность, нерадение, гнев господствовали надо мною и похищали меня у любви Твоей. О, мой Господи, Создатель мой, все Упование мое! Не остави меня без удела в блаженной вечности; соделай, да и я последую святому примеру Твоему, буду покорен властям, надо мною поставленным; даруй мне сию чистоту духа, сию простоту сердца, которыя делают нас достойными любви Твоей. К Тебе, о Боже мой, возношу душу мою и сердце мое: не попусти погибнуть созданию Твоему, но избавь меня от единственнаго и величайшаго зла: греха. Соделай, Господи, да переношу с таким же терпением беспокойства и скорби душевныя, с какою радостию приемлю удовольствия сердечные. Если Ты хочешь, Господи, можешь очистить и освятить меня. Се, предаю себя Твоей благости, прося истребить из меня все противное Тебе и присоединить к сонму избранных Твоих.

Господи! Отыми от меня праздность духа, погубляющую время; суетность мыслей, мешающую Твоему присутствию и развлекающую внимание мое в молитве; если же, молясь, я уклоняюсь от Тебя моими помыслами, то помоги мне, дабы сие развлечение было не произвольно, и, отвращая ум, да не отвращу от Тебя сердце. Исповедаю Тебе, Господу Богу моему, все грехи моего беззакония, ныне и прежде соделанные пред Тобою: отпусти мне их, ради Имени Твоего Святого, и спаси душу мою, которую Ты искупил драгоценною Кровию Твоею. Вручаю себя милосердию Твоему, предаюсь в волю Твою, твори со мною во благости Твоей, а не по злобе и беззаконию моему. Научи меня, Господи, располагать дела свои так, чтобы они споспешествовали к прославлению Имени Твоего Святого. Умилосердись, Господи, о всех христианах; услыши желание всех вопиющих к Тебе, избави от всякаго зла, спаси рабов Твоих (имена), пошли им отраду, утешение в скорбях и милость Твою святую. Господи, молю Тебя особенно о тех, которые меня чем-либо обидели и опечалили или какое-либо зло сделали: не наказывай их меня ради грешного, но пролей на них благость Твою.

Господи, молю Тебя о всех тех, которых я, грешный, опечалил, обидел или соблазнил, словом, делом, помышлением, ведением или неведением. Господи Боже! Отпусти нам грехи наши и взаимные оскорбления; изжени, Господи, из сердец наших всякое негодование, подозрение, гнев, памятозлобие, ссоры и все то, что, может препятствовать любви и уменьшать братолюбие. Помилуй, Господи, тех, которые поручили мне, грешному, недостойному, молиться о них! Помилуй, Господи, всякаго просящего Твоей помощи. Господи! Сотвори сей день днем милосердия Твоего, подай каждому по прошению его; буди Пастырем заблудших, вождем и светом неведущих, наставником немудрых, отцом сирых, помощником угнетенных, врачем больных, утешителем умирающих, и приведи нас всех к желанному концу к Тебе, пристаницу нашему и блаженному упокоению. Аминь.

Молитва из Акафиста Иисусу Сладчайшему

Господи, Иисусе Христе, Боже мой, посещaяй твaрь Свою, Тебе же явлены страсти моя и нeмощь естества моего человеческаго и крепость супостaта моего! Ты Сaм покрый мя от злобы его, зане сила его крепка, естество же мое стрaстно и сила моя немощна. Ты убо, о Благий, ведый нeмощь мою и носяй неудобство безсилия моего, сохрани мя от смущeния помыслов и потопа страстeй, и достойна сотвори мя слyжбы твоея святыя, да не кaко в страстeх моих растлю слaдость ея, и обрящуся безстyден пред Тобою и дeрзостив. Господи, Преслaдкий мой Иисусе, помилуй и спаси мя, яко Твоя держава, и Твое есть Царство, и сила, и слава, со Безначaльным Твоим Отцем, и со Пресвятым и Благим и Животворящим Его Духом, ныне и присно и во веки веков. Аминь.

Молитва о России, народе ее и даровании покаяния сродником нашим
(Из архива архимандрита Серафима (Розенберга))


О Человеколюбче Господи, Премудре и Всесильне! С сыновнею любовию и Благоговейным страхом приносим мы Тебе прилежное моление сие о всех нас, недостойных и многогрешных рабех Твоих. С небесной высоты Твоею Отеческою любовию приими, и все недоброе, нами содеянное, прости; все падения, отступства и измены вере нашей святой не вмени и духовное расслабление благодатною силою Духа Твоего Святого исцели и укрепи!

Горнило искушений здесь мы в лета сии проидохом, и пред лицем народов иноверных и иноплеменных свет веры нашея явити не возмогохом; и по лености своей и многому небрежению, наипаче же по хладности сердца, от доброго жития христианского далече отступихом. Тако же и поныне в покаяние и исправление не приходим и в закоснении духовнем глубоце спим. Вражда и стропотность обуревают нас, соблазны и пороки потопляют; не яже ближняго, а своих си ищем мы: себялюбием наполнихом сердце свое до конца, о долге же любве христианския и о кротости и помышляти не хощем. Такожде и о Церкви Святей и о послушании ей выну небрежем, святая Ея честне не храним, и уставы Ея повсюдно и тяжце нарушаем; от света веры нашея святыя уклонихомся и вместо покаяния и смирения гордыню и самолюбование, и самооправдание возлюбихом.

Ты Сам, Всемогущий и Премудрый Владыко, научи и укрепи нас паче всего любити и искати Царствие Божие и правду его на земли и Тебе Единому послужити во всяком делании нашем — в духе Богооткровенной веры нашей Православной.

Воспламени в сердцах наших любовь к Церкви Твоей Святей и научи нас крепко, даже до смерти, стояти за святую веру Твою и за славу имени Твоего святаго!

Услыши, Господи и Владыко жизни нашея, сердечную сию молитву и о братиях наших заблудших и в искусительныя годины сия от Церкви Твоея отошедших! Простри и к ним всемилостивую, спасающую десницу Твою и очи сердца их отверзи к свету святаго Евангелия Твоего; и в них угасший дух истины Твоей Духом Твоим Святым снова возжги, ибо не могут потомки стольких поколений верующих сынов Церкви Православной в глубине сердца от веры отцев вконец отойти. Сам Ты, Отче любви, всеисцеляющим и всеутверждающим перстом Твоим их сердца коснись, да обратятся паки они к Тебе, своему Владыке, и купно с сынами Церкви Твоея святыя прославят Тебя, Единаго в Троице славимаго Бога, во веки веков. Аминь.

Молитва (Приписываемая святителю Луке Крымскому)

Господи, Иисусе Христе, Сыне Божий, огради нас святыми Твоими ангелы и молитвами Всепречистыя Богородицы и Приснодевы Марии, силою Честнаго и Животворящего Твоего Креста, святаго архистратига Михаила и прочих небесных сил безплотных, святаго Иоанна Предтечи и Крестителя Твоего, святаго апостола и евангелиста Иоанна Богослова, святаго Николая Чудотворца, святаго Саввы Звенигородскаго чудотворца, святаго великомученика Георгия Победоносца, святаго великомученика и целителя Пантелеимона, святаго мученика Трифона, святыя великомученицы Варвары, святыя великомученицы Екатерины, святых мучениц Веры, Надежды, Любови и матери их Софии, святых и праведных богоотец Иоакима и Анны и всех святых Твоих! Помози нам недостойным рабом Твоим (имена), избави нас от всяких навет вражиих и от всякаго зла, колдовства, волшебства, чародейства и от лукавых человек. Да не возмогут они причинить нам никоего зла. Господи! Светом Твоего сияния сохрани нас на утро, на день, на вечер, на нощь и отврати от нас всякое нечистое действо по наущению диавола; если кто думал или делал зло, разруши оное силою Твоею. Яко Твое есть Царство и сила и слава, Отца, и Сына и Святаго Духа, ныне и присно и во веки веков. Аминь.

Молитва покаянная преподобного Антиоха
(Сию молитву заповедал читать преподобный Серафим Саровский)

Дерзая, Владыко, на бездну благоутробия Твоего, приношу Тебе от скверных уст и нечистых устен молитву сию: помяни, яко призвася на мне имя святое Твое, и искупил мя еси ценою Крове Твоея, яко запечатлел мя еси обручением Святаго Духа Твоего, и возвел мя еси от глубины беззаконий моих; да не похитит мя враг. Иисусе Христе, заступи мя и буди ми Помощник крепкий в брани, яко раб есмь похоти и воюем от нея. Но Ты, Господи, не остави мя на земли повержена во осуждении дел моих: свободи мя, Владыко, лукаваго рабства миродержителя и усвои мя в заповедях Твоих. Путь живота моего, Христе (Боже) мой, и свет очей моих - лице Твое. Боже, Владыко и Господи, возношения очей моих не даждь ми и похоть злую отстави от мене; заступи мя рукою Твоею святою. Пожелания и похотствования да не объимут мя, и душе бесстыдней не предаждь мене. Просвети во мне свет лица Твоего, Господи, да не объимет мене тьма, и ходящии в ней да не похитят мя. Не предаждь, Господи, зверем невидимым душу, исповедающуюся Тебе. Не попусти, Господи, уязвитися рабу Твоему от псов чуждих. Приятелище Святаго Духа Твоего быти мя сподоби и дом Христа Твоего, Отче Святый, созижди мя. Путеводителю заблуждших, путеводствуй мя, да не уклонюся в шуяя. Лице Твое, Господи, видети вожделех. Боже, светом лица Твоего путеводи мя. Источник слез даруй ми, рабу Твоему, и росу Святаго Духа даждь созданию Твоему, да не иссохну, яко смоковница, юже Ты проклял еси: и да будут слезы питием моим и молитва пищею моею. Обрати, Господи, плач мой в радость мне, и приими мя в вечныя Твои скинии. Да постигнет мя милость Твоя, Господи, и щедроты Твои да объимут мя, и отпусти вся грехи моя. Ты бо еси Бог истинный, отпущаяй беззакония. И не попусти, Господи, посрамитися делу рук Твоих по множеству беззаконий моих, но воззови мя, Владыко, Единородным Твоим Сыном, Спасителем нашим. И воздвигни мя лежащаго, яко Левию мытаря, и оживотвори мя, грехми умерщвленнаго, яко сына вдовицы. Ты бо един еси воскресение мертвых, и Тебе слава подобает во веки. Аминь.

Молитва в унынии и отчаянии сущих
(Сию молитву заповедал читать преподобный Серафим Саровский)

Владыко, Господи небесе и земли, Царю веков! Благоволи отверсти ми дверь покаяния, ибо я в болезни сердца молю Тебя, истиннаго Бога, Отца Господа нашего Иисуса Христа, Света миру, призри многим Твоим благоутробием и приими моление мое, не отврати его, но прости мне, впадшему во многие прегрешения. Приклони ухо Твое к молению моему, и прости мне все злое, которое соделал я, побежденный моим произволением. Ибо ищу покоя, и не обретаю, потому что совесть моя не прощает меня. Жду мира, и нет во мне мира, по причине глубокаго множества беззаконий моих. Услыши, Господи, сердце, вопиющее к Тебе, не посмотри на моя злая дела, но призри на болезнь души моей и поспеши уврачевать меня, жестоко уязвленнаго. Дай мне время покаяния ради благодати человеколюбия Твоего и избавь меня от бесчестных дел, и не возмерь мне по правде Твоей и не воздай мне достойное по делам моим, чтобы мне не погибнуть совершенно.

Услыши мя, Господи, в отчаянии находящагося. Ибо я, лишенный всякой мысли ко исправлению себя, припадаю к щедротам Твоим: помилуй меня, поверженнаго на землю и осужденнаго за грехи мои. Воззови меня, Владыко, плененнаго и содержимаго моими злыми деяниями и как бы цепями связаннаго. Ибо Ты Един ведаешь разрешать узников, врачевать раны, никому неизвестные, которые знаешь только Ты, ведущий сокровенное. И потому во всех моих злых болезнех призываю только Тебя - Врача всех страждущих, Дверь рыдающих вне, Путь заблудившихся, Свет омраченных, Искупителя заключенных, всегда сокращающаго десницу Свою и удерживающаго гнев Свой, уготованный на грешников, но ради великого человеколюбия дающаго время покаянию. Воссияй мне свет Лица Твоего, Владыко, тяжко падшему, скорый в милости и медленный в наказании. И Твоим благоутробием простри мне руку и восставь меня из рова беззаконий моих. Ибо Ты Един Бог наш, не веселящийся о погибели грешников и не отвращающий лица Своего от молящагося к Тебе со слезами. Услыши, Господи, глас раба Твоего, вопиющаго к Тебе, и яви свет Твой на мне, лишенном света, и даруй мне благодать, чтобы я, не имеющий никакой надежды, всегда надеялся на помощь и силу Твою. Обрати, Господи, плач мой в радость мне, расторгни вретище и препояши мя веселием. И благоволи, да успокоюсь от вечерних дел моих, и да получу успокоение утреннее, как избранные Твои, Господи, от которых отбежали болезнь, печаль и воздыхание, и да отверзется мне дверь Царствия Твоего, дабы, вошедши с наслаждающимися светом Лица Твоего, Господи, получить мне жизнь вечную во Христе Иисусе Господе нашем. Аминь.





Избранные молитвы ко Пресвятой Богородице

Всемилостивая Владычице моя, Пресвятая Госпоже, Всепречистая Дево Богородице Марие, Мати Божия, несумненная и единственная Надеждо моя, не гнушайся мене, не отвергай мене, не остави мене, не отступи от мене, заступи, попроси, услыши, виждь, Госпоже, помози, прости, прости, Пречистая.

Молитва Пресвятой Богородице пред Ея иконою «Утоли моя печали»

Надеждо всех концев земли, Пречистая Дево, Госпоже Богородице, утешение мое! Не гнушайся мене, грешнаго, на Твою бо милость уповаю: угаси ми пламень греховный и покаянием ороси изсохшее мое сердце, очисти ум мой от греховных помыслов, прими мольбу, от души и сердца со воздыханием приносимую Тебе. Буди о мне Ходатаица к Сыну Твоему и Богу и укроти гнев Его матерними Твоими молитвами, душевныя и телесныя язвы исцели, Госпоже Владычице, утоли болезни души и тела, утиши бурю злых нападений вражеских, отъими бремя грехов моих и не остави мене до конца погибнути, и печалию сокрушенное сердце мое утеши, да славлю Тя до последняго издыхания моего. Аминь.



Некоторые молитвы ко святым

Преподобному Стилиану

Преподобный Стилиан - малоизвестный в России, но широко почитаемый в Греции и на Кипре древний подвижник (I века). Господь дал ему благодать быть покровителем детей, исцелять их от различных недугов, а также родителей от бесплодия. И даже на иконе святой Стилиан изображается с младенцем на руках.

Тропарь, глас 3.
Столпе воодушевленный воздержания, / столпе непоколебимый Церкве, / Стилиане соделался еси, блаженнее. / Господу от юности вверился еси,/ обиталище Духа явился еси, / отче преподобне, // Христа Бога моли даровати нам велию милость.

Кондак, глас 4.
От утробы матерния освятивыйся, / якоже божественный Самуил, богоносне, / подвижнически Христа Бога прославил еси. / Темже исцелений показался еси кладязь/ и предстатель божественный отроков и младенцев, / Христос бо тя светло славит, // Егоже измлада, Стилиане прославил еси.

Блаженным Пелагии, Параскеве и Марии Дивеевским

Тропарь, глас 1.
Глас апостола Павла услышавша глаголющ: / мы юроди Христа ради, / рабы Твои, Христе Боже, Пелагие, Параскево и Марие / Юроды быша на земли Тебе ради: / Темже память их почитающе, Тебе молим: // Господи, спаси души наша.

Кондак, глас 8.
Вышния красоты возжелевша, / нижния сласти телесныя тощно оставиша, / нестяжанием суетнаго мира, / ангельское житие проходяща, / скончалися есте, Пелагие, Параскево и Марие блаженныя: // темже Христа Бога молите непрестанно о всех нас.

Молитва.
О прекраснии невесты Христовы, чистые голубицы, позлащенные Духом Святым, собеседницы Ангелом, на земли мысленный рай своими добродетельми насадившия, преподобныя матери наша Пелагие, Параскево и Марие. Что достойное в дар вам принесем, кроме смиренных и грешных молений наших, яже приимше, очистите я святыми вашими молитвами и принесите ко Престолу Пресвятыя Троицы. Молите Бога о нас, о блаженные матери наша, да не яростию Своею обличит нас Господь, ниже гневом Своим накажет нас за премногия грехи наша, но милостию Своею да оградит нас и дарует нам время на покаяние и исправление. О матери наша Пелагие, Параскево и Марие! Всех собравшихся во святей обители сей осените своим заступлением и испросите у Царя Сил коемуждо благопотребная во временной жизни сей, пече же помозите нам Небесного Царствия достигнути вашими теплыми молитвами и ходатайством вашим ко Господу нашему Иисусу Христу. Емуже подобает всякая слава, честь и поклонение со Отцем и Святым Духом, ныне и присно и во веки веков. Аминь.

Преподобным Александре, Марфе и Елене Дивеевским

Тропарь, глас 4
Явилися есте земли Российския украшение, начальницы обители Дивеевския преподобныя матери наши Александро, Марфо и Елено,благословение Царицы Небесныя исполнившыя и дерзновение ко Господу стяжавшыя, молите у Престола Пресвятыя Троицы о спасении душ наших.

Кондак, глас 8
Дивеевстии светильницы всесветлыя преподобныя матери наши Александро, Марфо и Елено, в пощении, Бдении, молитве и трудах добре подвизалися есте и по смерти нас освящаете чудес источеньми и исцеляете недугующих души; молите Христа Бога грехов оставление даровати любовию чтущим святую память вашу.

Преподобному Арсению Каппадокийскому (пам. 10 ноября н.ст.)

Тропарь, глас 3
Житие богоугодное добре скончав, сосуд честен Утешителя явился еси, богоносне Арсение, чудес благодать приим, всем подаеши скорое вспоможение, отче преподобне, Христу Богу молися даровати нам велию милость.

Кондак, глас 4
Каппадокии новосажденный цвет и добродетелей многочестный сосуд, святаго Арсения воспоим, сей бо, яко Ангел во плоти жительствовав, сожитель бысть всем святым, с нимиже предстоит всегда Христу даровати нам согрешений прощение.

Святителю Афанасию исповеднику, еп.Ковровскому (Сахарову)

Тропарь, глас 4.
Славы Божия ревнителя и благолепия церковнаго блюстителя, тесным житием и многими подвиги великому иерарху Александрийскому подобника, святителя Афанасия, исповедника Российскаго, усердно восхвалим, вернии. Сей бо присно молится о спасении земнаго Отечества своего и о всех живущих в нем, велегласно с любовию взывая: Русь святая, храни веру православную, в нейже тебе утверждение.

Кондак, глас 3.
Днесь Афанасий святитель, Христов исповедник и праведник, в невечернем Царстве Славы светло ликует и в сонме всех Русских святых, всесоставным гласом победную песнь воспевая, прилежно молит о нас Превечнаго Триединаго Бога.







Код для блогов / сайтов
Разместить ссылку на материал: