Мы в Telegram
Мы в Facebook
RSSМолитвослов
Празднование Пресвятей Владычице нашей Богородице и Приснодеве Марии
ради иконы Ея, именуемыя «Всецарица»
Месяца августа в 18-й день
На Велицей вечерни
На Господи воззвах: стихиры праздника три, гл.2.
Ины стихиры Богородице, гл.8, подобен «О преславнаго чудесе»
О преславнаго чудесе! / Преблагословенная Богомати Всецарица / от горы Афонския в Россию приходит. / Церковь Русская, взыграй, ликовствующи, / зрящи святый образ Приснодевы, / к немуже припадающе, благодарно Богородице возопием: / радуйся, землю нашу благоухания исполнившая, / радуйся, алавастре мира Божественнаго, // радуйся, Державная Царице.
О преславнаго чудесе! / Всех Господь и Владыка / благоволи от Девы воплотитися и восприяти плоть человечу / и Сын Твой наречеся, Пречистая, / и яви Тя Споручницу спасения нашего, / о, Дево Богоизбранная. / Темже веселия духовнаго исполняемся / и славословим Тя, Мати Божия, / небесе и земли украшение.
О преславнаго чудесе! / Источник исцелений приснотекущий, / от святыя иконы Твоея исходящий, / Богоблаженная Всецарице, / землю Русскую напояет / и благодать неоскудную дарует. / Уврачуй небесною лечбою Твоею / язвы душ и телес наших, // Ты бо еси милости река неистощимая.
Приими, Дево Всепетая, / мольбы наша из уст недостойных, / покрый нас кровом крилу Твоею, / се бо чада Твоя к Тебе взываем / и к материнским стопам Твоим припадаем, / утешения небеснаго взыскующе. / В Твое ныне прибегаем заступление, / буди нам Стена нерушимая и всемощный Покров, // буди нам ко благу Наставница.
Се притекаем Ти, Пречистая, / и песненныя цветы приносим Ти, / ведуще многое попечение Твое / о всех Тя воспевающих, / и молимся Ти прилежно, / и восхваляем доброгласно: / о Богокрасный Крине райский, / о, нектаре Богоизлиянный, / о, всех святых святейшая, / Ты еси Молебница наша теплая ко Господу, Сыну Твоему, / Ты еси Предстательница крепкая о всех молящихся Тебе, / Ты еси Целительница наша Всеблагая, // помози нам, Владычице.
Слава и ныне: праздника, глас 4.
Приидите воспоем людие, Пресвятую Деву Чистую, из Неяже неизреченно пройде, воплощься Слово Отчее, зовуще и глаголюще: благословенна Ты в женах, блаженное чрево вместившее Христа. Того святым рукам душу предавши, молися, Пречистая, спастися душам нашим.
На литии: гл.4
Богоблаженная Отроковице, / Ты еси Ангелов и человеков радование, / Ты еси огнеобразный Владычень Престол, / светолучныя молнии благодати испущающий, / вся земля да поклонится Тебе и Божественному Сыну Твоему. / И мы ныне поем и песнословим Тя / и тепле молимся: // не отвержи нас от лица Твоего.
О, Пресвятая Мати Дево, / Ты еси Царица всех цариц, / добродетельми яко многоценною диадимою украшенная, / восхваляем Тя, Всеблагословенная, / и чествуем образ Твой святый. / И молимся Ти, Богоневесто: / добродетелей цветы Тебе приносити сподоби нас, / покаяния сердца наша исполни, // и да будут молитвы наша яко фимиам кадильный пред Тобою.
Слава и ныне: праздника, глас 5.
Воспойте, людие, Матери Бога нашего, воспойте: днесь бо всесветлую душу Свою в пречистыя длани, Иже из Нея воплощшагося без семене предает: Егоже и молит непрестанно, даровати вселенней мир, и велию милость.
На стиховне: гл.5, подобен Радуйся
Радуйся, Русская земле, / зрящи чудотворный образ Всецарицы Матере Божия, / яко звезду светозарную на небосводе церковном, / всю страну нашу лучами милости объемлющую. / Приидите, вси людие, припадем к нескверной Отроковице, / болезни исцеляющей, / злострадания облегчающей, / от духов злобы свобождающей, / печали наша утоляющей. / О, Мати Всеблагая,/ преукрашенная благочестия добротами, / облецы ны целомудрия одеждами, / и не остави ны любовию чтущия Тя, // помози нам всемощным заступлением Твоим.
Стих: Слыши, Дщи, и виждь, и приклони ухо Твое.
Радуйся, земле Российская, / дом Пресвятыя Богородицы нареченная, / красуйся и торжествуй, / дар драгоценный восприимши, / от Удела перваго Богородицы во Вселенней, Святыя горы Афонския, / многоцелебный образ Приснодевы, / емуже с верою покланяющеся, / душам нашим благопременения просим / и воспоим из глубины сердечныя: / о Благословенная Царице, / Ты ведаеши чаяния и воздыхания душ наших, / не остави нас, любоблагая, / подаждь нам помощь спасительную // и утеши нас Небесным предстательством Твоим.
Стих: Клятся Господь Давиду истиною, и не отвержется ея.
Ныне соберитеся людие Божии, / приидите, вси концы земли, / се бо образ небосветлый Марии Девы Всецарицы / созывает к веселию верныя. / О, велия милость Владычицы! / О, паче ума чудес множества, / чрез икону сию источаемых! / Темже песненными похвалами воспоем, глаголюще: / Радуйся, Всенепорочная Дево, / радуйся, Ковчеже священный Слова Божия, / радуйся, Обрадованная, / радуйся, Цвете неувядаемый нетленныя чистоты, // радуйся, Невесто Неневестная.
Слава и ныне: праздника, глас 4.
Давидскую песнь днесь людие, воспоем Христу Богу: приведутся, рече, Царю девы в след Ея, и искренняя Ея приведутся в веселии и радовании. Ибо от семене Давидова, Еяже ради мы обожихомся, в руце Своего Сына и Владыки, славно и паче слова прелагается, Юже яко Матерь Божию воспевающе, вопием и глаголем: спаси нас исповедающих Тя, Богородицу, от всякаго обстояния, и избави от бед души наша.
Тропарь. глас 4.
Образом радостотворным честныя Всецарицы, Желанием теплым взыскающих благодати Твоея спаси, Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающее присно.
Ины стихиры Богородице, гл.8, подобен «О преславнаго чудесе»
О преславнаго чудесе! / Преблагословенная Богомати Всецарица / от горы Афонския в Россию приходит. / Церковь Русская, взыграй, ликовствующи, / зрящи святый образ Приснодевы, / к немуже припадающе, благодарно Богородице возопием: / радуйся, землю нашу благоухания исполнившая, / радуйся, алавастре мира Божественнаго, // радуйся, Державная Царице.
О преславнаго чудесе! / Всех Господь и Владыка / благоволи от Девы воплотитися и восприяти плоть человечу / и Сын Твой наречеся, Пречистая, / и яви Тя Споручницу спасения нашего, / о, Дево Богоизбранная. / Темже веселия духовнаго исполняемся / и славословим Тя, Мати Божия, / небесе и земли украшение.
О преславнаго чудесе! / Источник исцелений приснотекущий, / от святыя иконы Твоея исходящий, / Богоблаженная Всецарице, / землю Русскую напояет / и благодать неоскудную дарует. / Уврачуй небесною лечбою Твоею / язвы душ и телес наших, // Ты бо еси милости река неистощимая.
Приими, Дево Всепетая, / мольбы наша из уст недостойных, / покрый нас кровом крилу Твоею, / се бо чада Твоя к Тебе взываем / и к материнским стопам Твоим припадаем, / утешения небеснаго взыскующе. / В Твое ныне прибегаем заступление, / буди нам Стена нерушимая и всемощный Покров, // буди нам ко благу Наставница.
Се притекаем Ти, Пречистая, / и песненныя цветы приносим Ти, / ведуще многое попечение Твое / о всех Тя воспевающих, / и молимся Ти прилежно, / и восхваляем доброгласно: / о Богокрасный Крине райский, / о, нектаре Богоизлиянный, / о, всех святых святейшая, / Ты еси Молебница наша теплая ко Господу, Сыну Твоему, / Ты еси Предстательница крепкая о всех молящихся Тебе, / Ты еси Целительница наша Всеблагая, // помози нам, Владычице.
Слава и ныне: праздника, глас 4.
Приидите воспоем людие, Пресвятую Деву Чистую, из Неяже неизреченно пройде, воплощься Слово Отчее, зовуще и глаголюще: благословенна Ты в женах, блаженное чрево вместившее Христа. Того святым рукам душу предавши, молися, Пречистая, спастися душам нашим.
На литии: гл.4
Богоблаженная Отроковице, / Ты еси Ангелов и человеков радование, / Ты еси огнеобразный Владычень Престол, / светолучныя молнии благодати испущающий, / вся земля да поклонится Тебе и Божественному Сыну Твоему. / И мы ныне поем и песнословим Тя / и тепле молимся: // не отвержи нас от лица Твоего.
О, Пресвятая Мати Дево, / Ты еси Царица всех цариц, / добродетельми яко многоценною диадимою украшенная, / восхваляем Тя, Всеблагословенная, / и чествуем образ Твой святый. / И молимся Ти, Богоневесто: / добродетелей цветы Тебе приносити сподоби нас, / покаяния сердца наша исполни, // и да будут молитвы наша яко фимиам кадильный пред Тобою.
Слава и ныне: праздника, глас 5.
Воспойте, людие, Матери Бога нашего, воспойте: днесь бо всесветлую душу Свою в пречистыя длани, Иже из Нея воплощшагося без семене предает: Егоже и молит непрестанно, даровати вселенней мир, и велию милость.
На стиховне: гл.5, подобен Радуйся
Радуйся, Русская земле, / зрящи чудотворный образ Всецарицы Матере Божия, / яко звезду светозарную на небосводе церковном, / всю страну нашу лучами милости объемлющую. / Приидите, вси людие, припадем к нескверной Отроковице, / болезни исцеляющей, / злострадания облегчающей, / от духов злобы свобождающей, / печали наша утоляющей. / О, Мати Всеблагая,/ преукрашенная благочестия добротами, / облецы ны целомудрия одеждами, / и не остави ны любовию чтущия Тя, // помози нам всемощным заступлением Твоим.
Стих: Слыши, Дщи, и виждь, и приклони ухо Твое.
Радуйся, земле Российская, / дом Пресвятыя Богородицы нареченная, / красуйся и торжествуй, / дар драгоценный восприимши, / от Удела перваго Богородицы во Вселенней, Святыя горы Афонския, / многоцелебный образ Приснодевы, / емуже с верою покланяющеся, / душам нашим благопременения просим / и воспоим из глубины сердечныя: / о Благословенная Царице, / Ты ведаеши чаяния и воздыхания душ наших, / не остави нас, любоблагая, / подаждь нам помощь спасительную // и утеши нас Небесным предстательством Твоим.
Стих: Клятся Господь Давиду истиною, и не отвержется ея.
Ныне соберитеся людие Божии, / приидите, вси концы земли, / се бо образ небосветлый Марии Девы Всецарицы / созывает к веселию верныя. / О, велия милость Владычицы! / О, паче ума чудес множества, / чрез икону сию источаемых! / Темже песненными похвалами воспоем, глаголюще: / Радуйся, Всенепорочная Дево, / радуйся, Ковчеже священный Слова Божия, / радуйся, Обрадованная, / радуйся, Цвете неувядаемый нетленныя чистоты, // радуйся, Невесто Неневестная.
Слава и ныне: праздника, глас 4.
Давидскую песнь днесь людие, воспоем Христу Богу: приведутся, рече, Царю девы в след Ея, и искренняя Ея приведутся в веселии и радовании. Ибо от семене Давидова, Еяже ради мы обожихомся, в руце Своего Сына и Владыки, славно и паче слова прелагается, Юже яко Матерь Божию воспевающе, вопием и глаголем: спаси нас исповедающих Тя, Богородицу, от всякаго обстояния, и избави от бед души наша.
Тропарь. глас 4.
Образом радостотворным честныя Всецарицы, Желанием теплым взыскающих благодати Твоея спаси, Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающее присно.
На Утрени
По 1-м стихословии седален, глас 4:
Благослови ны, во юдоли земной странствующия, Всесвятая Богородительнице, Небесе и земли Царице, да песньми и пеньми ликовствующе, воспоем пришествие святаго образа Твоего.
Слава и ныне: праздника, глас тойже, подобен Явился еси днесь.
В славней памяти Твоей вселенная невещественным Духом преукрашена, умно с веселием зовет Ти: радуйся, Дево, христиан похвало.
По 2-м стихословии седален, глас 6:
Покаяния двери отверзи нам, Госпоже, и сокрушения исполни сердца наша, да обрящем предстательством Твоим грехов оставление и недугов исцеление.
Слава и ныне: праздника, глас тойже. Подобен Милосердия двери.
Твое преставление, Чистая, вси вернии восхваляюще, поем Тя: преставилася бо от земли, от живота в живот, и сущи на Небесех Богу молящися, избавитися от бед роду человеческому.
По полиелеи седален, глас 4.
Ныне приспе день светлаго торжества, вся земля Русская радуется пришествию честнаго и многоцелебнаго образа Пресвятыя Богородицы Всецарицы. Сей бо якоже солнце незаходимое возсия светозарными лучами, разгоняя тьму искушений же и бед от вопиющих верно: спаси ны заступлением Твоим, Всеблагая Владычице.
Слава и ныне: праздника, глас тойже, под.Удивися Иосиф
Возопий Давиде, что сей праздник, егоже воспел еси древле в книзе псаломстей? Яко Дщерь Богоотроковицу и Деву, преложи Ю на оны обители Христос, Иже из Нея без семене рождься. И сего ради радуются матери и дщери, и невесты Христовы, вопиюще: радуйся Преставившаяся к Вышнему Царствию.
По 50-м псалме стихира, глас 6
Радуйся, Богоблагодатная Дево, / радуйся, златозарная заре света невечерняго, / радуйся, неугасимая милости лампадо, елеем радования сердца наша умащающая, / радуйся, христиан упование, / радуйся, ненадежных Надеждо, // радуйся, Радосте наша.
Канон, гл.4.
Песнь 1. Ирмос. Отверзу уста моя…
О Преблагая Заступнице наша, недоумеем песнословити Тя по достоянию, обаче любовию понуждаеми, молим Тя: сподоби принести Ти песни благодарственныя.
Приидите, вернии, ко всечестному образу Богородицы Всецарицы припадем, обымем сердцем и лобызаем устнами, со умилением молящеся Всемилостивой Владычице.
Слава: От Небесных славимая и от земных ублажаемая, девственными добротами преисполненная, Пречистая Дево, приими моления наша и призри на нас благоуветливым взором Твоим.
И ныне: Дивны чудеса Твоя, Господи, яко даровал еси миру преславную Богоотроковицу Марию, от всех родов произбранную во спасение рода человеческаго.
Песнь 3. Ирмос. Твоя песнословцы Богородице…
Ты еси источник златоструйный, росу утешения точащий сердцам скорбящим, о Царице Дево. Ободри ны в час испытания, от отчаяния избави и слезы претвори в росу небесныя радости.
Молим Тя о сродницех наших, Госпоже Всецарице, исцели недуги неисцельныя, устави раковыя язвы стужение, терпение неистощимое страждущим даруй и водами покаяния омый сердца их.
Слава: Любы Твоя, о Богомати, якоже огнь небесный, да затеплит в сердцах наших светлосиянныя светильники молитвы и любве.
И ныне: О Всесветлая Владычице, покрый нас честным Твоим омофором и светоносными благодати лучами отжени темный облак печалей наших.
Кондак и икос праздника.
Седален, гл.8
Днесь празднуем пришествие честнаго образа Твоего, Мати Божия, к немуже с верою припадаем, Всеблаженная, и молим Тя: посети сущия в болезнех и печалех и покрый от бед и зол рабы Твоя.
Слава и ныне: праздника, глас тойже.
Песнь 4. Ирмос. Седяй в славе…
В знои неисцельных болезней страждущим одожди капли небеснаго милосердия Твоего, Пречистая, и благодати прохладою услади души изнемогающия.
Купина Тя неопальная прообразоваше, о Царице Дево, ибо не опали Твое чрево огнь Божества. Темже молим Тя: огня вечнующаго избави ны.
Слава: Ты от святаго Ангела пищу небесную приемлющи, под сению Храма Господня пребывала еси, Дево Нетленная, напитай убо и нас Животворящим Хлебом Небесным, Пречистым Телом и Божественною Кровию Христа Спаса нашего.
И ныне: Радуйся, Богоизбранная Отроковице, одушевленный Храме, Чертоже Слова Божия, во святый Храм во младенческих летех введенная и тамо воспитанная. Темже молим Тя: научи ны ко храму Божию прилежати и сподоби Святых Таин в снабдение душ наших причащатися. Такожде по кончине нашей благоволи отверсти нам двери райския и введи нас в Небесный Храм Сына Твоего.
Песнь 5. Ирмос. Ужасошася всяческая…
О, Всеблаженная Богомати, согрешающих исправление, умягчи изсохшую землю сердец наших, да, приемше семена слова Божия, плоды достойныя принесем Владыце Христу.
Погибших Ты еси Взыскание, Приснодево Марие, и Ходатаица о нас к Сыну Твоему и Богу, Ты еси Пристанище спасительное обуреваемым в море житейстем и погружаемым напастьми многими.
Слава: Токами благодати, чрез святый образ Твой, Всецарице, на нас изливаемыми, омый наших грехов скверну и угаси страстей пещь, да обрящем чистоту сердечную и да уневестим души Христу Спасу нашему.
И ныне: О, радуйся, Всепетая Царице! зарю, наставляющую к свету, возсияй душам нашим, рождшая Солнце правды Христа, радость и спасение миру.
Песнь 6. Ирмос. Божественное сие и всечестное…
Не возгнушайся нас многогрешных, о сладкоуханный Крине чистоты, отжени от нас плотское мудрование, устави молву лукавых помышлений и сподоби добродетелей благоухание Творцу выну приносити.
Помози нам, Богоневесто, смирен нрав стяжати, всегда радоватися, за вся Творца благодарити, и непрестанно молитися ко Христу Спасителю нашему научи ны.
Слава: Пришествием иконы Твоея озаряеми, молим Тя, Всецарице, буди нам грешным Споручница, на стези спасительныя настави, побори борющия ны и победу непобедимую во бранех даруй.
И ныне: О чистая Голубице, Нескверная Агнице, Агнца и Пастыря неизреченно рождшая, воистину Ты еси ангельских чинов превысшая, умоли о нас Божественнаго Сына Твоего.
Кондак.
Новоявленней Твоей иконе, предстояще вернии умильно, воспеваем Ти, Всецарице, раби Твои; низпосли цельбы к Тебе притекающим ныне рабом Твоим, да вси радостно зовем Ти: Радуйся, Всецарице, недуги наша благодатию исцеляющая.
Икос.
Ангел предстатель с небесе сшед, рече Всецарице: радуйся! И боговещанным гласом воплощаема Тя зря, Господи, возопи к Ней таковая: Радуйся, главизно нашего спасения; радуйся, Исполнение Зиждителева смотрения. Радуйся, яко Тобою Бог воплотися, радуйся, яко Невидимый в Тебе изобразися. Радуйся, Милость мира внутрь приявшая; радуйся, одеяние плоти Слову соткавшая. Радуйся, уму непостижная горняя славо; радуйся, сердца оживившая небесная манно. Радуйся, Звездо, благодати сияние; радуйся, Источниче, живыя воды излияние. Радуйся, Богородице, в женах благословенная; радуйся, рождшая Спаса, Дево нетленная. Радуйся, Всецарице, недуги наша благодатию исцеляющая.
Песнь 7. Ирмос. Не послужиша твари богомудрии…
Сподоби ны, Преблагая Богородительнице, преславное имя Иисусово умом и сердцем призывати и сею молитвою услади горечь печалей и скорбей наших.
Притецыте, вси здравия ищущие, ко благосердой Деве Марии Богородице и почерпите воду жизни от источника спасительнаго.
Слава: Благословен еси, Господи Иисусе Христе, Спасителю наш, яко в час крестных страданий Твоих благоволил еси поручити ны заступлению Пречистыя Матере Твоея и нас недостойных чадами Ея соделал еси.
И ныне: Радуйся, одушевленная Палато Божества, едина неискусомужная Дево Марие, во утробу неискусобрачную Бога вместившая. С Гавриилом Архангелом вопием Ти: благословенна Ты в женах и благословен Плод чрева Твоего.
Песнь 8. Ирмос. Отроки благочестивыя в пещи.
О Богомати Всецарице, просвети ны познанием Сына Твоего, да наследствуем Царствие Небесное и да восхвалим и воспоем Господа и превозносим Его во вся веки.
В немощи нашей да совершается сила Божия, исцеляющая души и телеса наша и вечное спасение нам дарующая. Темже сподоби ны, Госпоже, со благодарением терпети вся посылаемая нам и Твоими теплыми молитвами к Божественному Сыну Твоему исходатайствуй нам благодатную помощь.
Благословим Отца и Сына и Святаго Духа Господа:
Умири сердца наша и в тишине помысла соблюди, Всесвятая Мати Дево, да молящеся на всяко время духом, Господа благословим и превозносим Его во вся веки.
И ныне: Во успении мира не оставила еси, о Богомати, но присно с нами пребываеши и предстательством Твоим нас спасаеши.
Песнь 9. Ирмос. Всяк земнородный да взыграется…
О Царице Дево, раковыя язвы предивная Целительнице, яви Свое благоволение в долгонедужии сущим и подаждь им здравие, да воспевают выну Тя, Всеблагая Мати Божия.
Виждь, Владычице, наше неможение, обаче приими смиренная моления наша, буди нам Благая Путеводительница ко спасению и настави ны путем тесным шествовати к пространству жизни вечныя. Мы же не престанем благодаряще величати Тя.
Слава: О, Мати милосердия и утешения, ущедри ны неизреченною Твоею благостынею и благослови ны тепле воспевающия Тя.
И ныне: Вси роди христианстии ублажают Тя, Богородительнице Пречистая, яко призре Господь на смирение Твое и сотвори Ти величие неисповедимое.
Светилен.
Светел есть честный праздник иконы Твоея, Всецарице, егоже в торжестве духовнем благолепно совершающе, величаем Тя, о светоносная Скиние Христа, Царя и Бога нашего.
Слава и ныне: Праздника.
На Хвалитех: стихиры праздника 3
и Всецарице, гл.1 подобен Небесных чинов.
Небесных чинов радование, / и земнородных крепкое упование, / луче пресветлая Небеснаго Царствия, / Пресвятая Всецарице, / приими ны чествующия Тя,// да Тобою водими сподобимся спасения вечнаго.
Светом Небесным осиянная, / Отроковице Мати всех Царя Христа, / таинству сокровенному неизреченно послужившая, / к горнему умы и сердца наша возводиши. / И святыя иконы Твоя людем даруеши // яко светильники света невещественнаго.
Небесный Хлеб во чреве приемши, / Мати Спаса нашего, / Жизнь и Свет всего мира родила еси, / просвети убо души наша, грехми омраченныя, / да верою и любовию к Источнику безсмертия приступим // и причастницы жизни вечныя будем.
Слава и ныне: праздника, глас тойже.
Всечестное Твое успение, Пресвятая Дева Чистая, ангел множества на небеси, и человеческий род на земли ублажаем, яко Мати была еси Творца всех, Христа Бога. Того молящи не престай о нас, молимся, иже на Тя с Богом упование положших, Богородице Всепетая, и Неискусобрачная.
Молитвы пред иконой Божией Матери Всецарица
Молитва 1.
О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонского в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощного Врача Христа Спаса нашего. Яко живей Ти сущей с нами молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получивше, прославляем Живоначальную и Нераздельную Троицу, Отца и Сына и Святаго Духа во веки веков. Аминь.
Молитва 2.
Всеблагая, досточудная Богородице, Пантанасса, Всецарице! Несмь достоин да внидеши под кров мой! Но яко милостиваго Бога любоблагоутробная Мати рцы слово, да исцелится душа моя и укрепится немоществующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси, Ты за мя умоли. Да прославляю преславное имя Твое всегда, ныне и в бесконечныя веки. Аминь.
Благослови ны, во юдоли земной странствующия, Всесвятая Богородительнице, Небесе и земли Царице, да песньми и пеньми ликовствующе, воспоем пришествие святаго образа Твоего.
Слава и ныне: праздника, глас тойже, подобен Явился еси днесь.
В славней памяти Твоей вселенная невещественным Духом преукрашена, умно с веселием зовет Ти: радуйся, Дево, христиан похвало.
По 2-м стихословии седален, глас 6:
Покаяния двери отверзи нам, Госпоже, и сокрушения исполни сердца наша, да обрящем предстательством Твоим грехов оставление и недугов исцеление.
Слава и ныне: праздника, глас тойже. Подобен Милосердия двери.
Твое преставление, Чистая, вси вернии восхваляюще, поем Тя: преставилася бо от земли, от живота в живот, и сущи на Небесех Богу молящися, избавитися от бед роду человеческому.
По полиелеи седален, глас 4.
Ныне приспе день светлаго торжества, вся земля Русская радуется пришествию честнаго и многоцелебнаго образа Пресвятыя Богородицы Всецарицы. Сей бо якоже солнце незаходимое возсия светозарными лучами, разгоняя тьму искушений же и бед от вопиющих верно: спаси ны заступлением Твоим, Всеблагая Владычице.
Слава и ныне: праздника, глас тойже, под.Удивися Иосиф
Возопий Давиде, что сей праздник, егоже воспел еси древле в книзе псаломстей? Яко Дщерь Богоотроковицу и Деву, преложи Ю на оны обители Христос, Иже из Нея без семене рождься. И сего ради радуются матери и дщери, и невесты Христовы, вопиюще: радуйся Преставившаяся к Вышнему Царствию.
По 50-м псалме стихира, глас 6
Радуйся, Богоблагодатная Дево, / радуйся, златозарная заре света невечерняго, / радуйся, неугасимая милости лампадо, елеем радования сердца наша умащающая, / радуйся, христиан упование, / радуйся, ненадежных Надеждо, // радуйся, Радосте наша.
Канон, гл.4.
Песнь 1. Ирмос. Отверзу уста моя…
О Преблагая Заступнице наша, недоумеем песнословити Тя по достоянию, обаче любовию понуждаеми, молим Тя: сподоби принести Ти песни благодарственныя.
Приидите, вернии, ко всечестному образу Богородицы Всецарицы припадем, обымем сердцем и лобызаем устнами, со умилением молящеся Всемилостивой Владычице.
Слава: От Небесных славимая и от земных ублажаемая, девственными добротами преисполненная, Пречистая Дево, приими моления наша и призри на нас благоуветливым взором Твоим.
И ныне: Дивны чудеса Твоя, Господи, яко даровал еси миру преславную Богоотроковицу Марию, от всех родов произбранную во спасение рода человеческаго.
Песнь 3. Ирмос. Твоя песнословцы Богородице…
Ты еси источник златоструйный, росу утешения точащий сердцам скорбящим, о Царице Дево. Ободри ны в час испытания, от отчаяния избави и слезы претвори в росу небесныя радости.
Молим Тя о сродницех наших, Госпоже Всецарице, исцели недуги неисцельныя, устави раковыя язвы стужение, терпение неистощимое страждущим даруй и водами покаяния омый сердца их.
Слава: Любы Твоя, о Богомати, якоже огнь небесный, да затеплит в сердцах наших светлосиянныя светильники молитвы и любве.
И ныне: О Всесветлая Владычице, покрый нас честным Твоим омофором и светоносными благодати лучами отжени темный облак печалей наших.
Кондак и икос праздника.
Седален, гл.8
Днесь празднуем пришествие честнаго образа Твоего, Мати Божия, к немуже с верою припадаем, Всеблаженная, и молим Тя: посети сущия в болезнех и печалех и покрый от бед и зол рабы Твоя.
Слава и ныне: праздника, глас тойже.
Песнь 4. Ирмос. Седяй в славе…
В знои неисцельных болезней страждущим одожди капли небеснаго милосердия Твоего, Пречистая, и благодати прохладою услади души изнемогающия.
Купина Тя неопальная прообразоваше, о Царице Дево, ибо не опали Твое чрево огнь Божества. Темже молим Тя: огня вечнующаго избави ны.
Слава: Ты от святаго Ангела пищу небесную приемлющи, под сению Храма Господня пребывала еси, Дево Нетленная, напитай убо и нас Животворящим Хлебом Небесным, Пречистым Телом и Божественною Кровию Христа Спаса нашего.
И ныне: Радуйся, Богоизбранная Отроковице, одушевленный Храме, Чертоже Слова Божия, во святый Храм во младенческих летех введенная и тамо воспитанная. Темже молим Тя: научи ны ко храму Божию прилежати и сподоби Святых Таин в снабдение душ наших причащатися. Такожде по кончине нашей благоволи отверсти нам двери райския и введи нас в Небесный Храм Сына Твоего.
Песнь 5. Ирмос. Ужасошася всяческая…
О, Всеблаженная Богомати, согрешающих исправление, умягчи изсохшую землю сердец наших, да, приемше семена слова Божия, плоды достойныя принесем Владыце Христу.
Погибших Ты еси Взыскание, Приснодево Марие, и Ходатаица о нас к Сыну Твоему и Богу, Ты еси Пристанище спасительное обуреваемым в море житейстем и погружаемым напастьми многими.
Слава: Токами благодати, чрез святый образ Твой, Всецарице, на нас изливаемыми, омый наших грехов скверну и угаси страстей пещь, да обрящем чистоту сердечную и да уневестим души Христу Спасу нашему.
И ныне: О, радуйся, Всепетая Царице! зарю, наставляющую к свету, возсияй душам нашим, рождшая Солнце правды Христа, радость и спасение миру.
Песнь 6. Ирмос. Божественное сие и всечестное…
Не возгнушайся нас многогрешных, о сладкоуханный Крине чистоты, отжени от нас плотское мудрование, устави молву лукавых помышлений и сподоби добродетелей благоухание Творцу выну приносити.
Помози нам, Богоневесто, смирен нрав стяжати, всегда радоватися, за вся Творца благодарити, и непрестанно молитися ко Христу Спасителю нашему научи ны.
Слава: Пришествием иконы Твоея озаряеми, молим Тя, Всецарице, буди нам грешным Споручница, на стези спасительныя настави, побори борющия ны и победу непобедимую во бранех даруй.
И ныне: О чистая Голубице, Нескверная Агнице, Агнца и Пастыря неизреченно рождшая, воистину Ты еси ангельских чинов превысшая, умоли о нас Божественнаго Сына Твоего.
Кондак.
Новоявленней Твоей иконе, предстояще вернии умильно, воспеваем Ти, Всецарице, раби Твои; низпосли цельбы к Тебе притекающим ныне рабом Твоим, да вси радостно зовем Ти: Радуйся, Всецарице, недуги наша благодатию исцеляющая.
Икос.
Ангел предстатель с небесе сшед, рече Всецарице: радуйся! И боговещанным гласом воплощаема Тя зря, Господи, возопи к Ней таковая: Радуйся, главизно нашего спасения; радуйся, Исполнение Зиждителева смотрения. Радуйся, яко Тобою Бог воплотися, радуйся, яко Невидимый в Тебе изобразися. Радуйся, Милость мира внутрь приявшая; радуйся, одеяние плоти Слову соткавшая. Радуйся, уму непостижная горняя славо; радуйся, сердца оживившая небесная манно. Радуйся, Звездо, благодати сияние; радуйся, Источниче, живыя воды излияние. Радуйся, Богородице, в женах благословенная; радуйся, рождшая Спаса, Дево нетленная. Радуйся, Всецарице, недуги наша благодатию исцеляющая.
Песнь 7. Ирмос. Не послужиша твари богомудрии…
Сподоби ны, Преблагая Богородительнице, преславное имя Иисусово умом и сердцем призывати и сею молитвою услади горечь печалей и скорбей наших.
Притецыте, вси здравия ищущие, ко благосердой Деве Марии Богородице и почерпите воду жизни от источника спасительнаго.
Слава: Благословен еси, Господи Иисусе Христе, Спасителю наш, яко в час крестных страданий Твоих благоволил еси поручити ны заступлению Пречистыя Матере Твоея и нас недостойных чадами Ея соделал еси.
И ныне: Радуйся, одушевленная Палато Божества, едина неискусомужная Дево Марие, во утробу неискусобрачную Бога вместившая. С Гавриилом Архангелом вопием Ти: благословенна Ты в женах и благословен Плод чрева Твоего.
Песнь 8. Ирмос. Отроки благочестивыя в пещи.
О Богомати Всецарице, просвети ны познанием Сына Твоего, да наследствуем Царствие Небесное и да восхвалим и воспоем Господа и превозносим Его во вся веки.
В немощи нашей да совершается сила Божия, исцеляющая души и телеса наша и вечное спасение нам дарующая. Темже сподоби ны, Госпоже, со благодарением терпети вся посылаемая нам и Твоими теплыми молитвами к Божественному Сыну Твоему исходатайствуй нам благодатную помощь.
Благословим Отца и Сына и Святаго Духа Господа:
Умири сердца наша и в тишине помысла соблюди, Всесвятая Мати Дево, да молящеся на всяко время духом, Господа благословим и превозносим Его во вся веки.
И ныне: Во успении мира не оставила еси, о Богомати, но присно с нами пребываеши и предстательством Твоим нас спасаеши.
Песнь 9. Ирмос. Всяк земнородный да взыграется…
О Царице Дево, раковыя язвы предивная Целительнице, яви Свое благоволение в долгонедужии сущим и подаждь им здравие, да воспевают выну Тя, Всеблагая Мати Божия.
Виждь, Владычице, наше неможение, обаче приими смиренная моления наша, буди нам Благая Путеводительница ко спасению и настави ны путем тесным шествовати к пространству жизни вечныя. Мы же не престанем благодаряще величати Тя.
Слава: О, Мати милосердия и утешения, ущедри ны неизреченною Твоею благостынею и благослови ны тепле воспевающия Тя.
И ныне: Вси роди христианстии ублажают Тя, Богородительнице Пречистая, яко призре Господь на смирение Твое и сотвори Ти величие неисповедимое.
Светилен.
Светел есть честный праздник иконы Твоея, Всецарице, егоже в торжестве духовнем благолепно совершающе, величаем Тя, о светоносная Скиние Христа, Царя и Бога нашего.
Слава и ныне: Праздника.
На Хвалитех: стихиры праздника 3
и Всецарице, гл.1 подобен Небесных чинов.
Небесных чинов радование, / и земнородных крепкое упование, / луче пресветлая Небеснаго Царствия, / Пресвятая Всецарице, / приими ны чествующия Тя,// да Тобою водими сподобимся спасения вечнаго.
Светом Небесным осиянная, / Отроковице Мати всех Царя Христа, / таинству сокровенному неизреченно послужившая, / к горнему умы и сердца наша возводиши. / И святыя иконы Твоя людем даруеши // яко светильники света невещественнаго.
Небесный Хлеб во чреве приемши, / Мати Спаса нашего, / Жизнь и Свет всего мира родила еси, / просвети убо души наша, грехми омраченныя, / да верою и любовию к Источнику безсмертия приступим // и причастницы жизни вечныя будем.
Слава и ныне: праздника, глас тойже.
Всечестное Твое успение, Пресвятая Дева Чистая, ангел множества на небеси, и человеческий род на земли ублажаем, яко Мати была еси Творца всех, Христа Бога. Того молящи не престай о нас, молимся, иже на Тя с Богом упование положших, Богородице Всепетая, и Неискусобрачная.
Молитвы пред иконой Божией Матери Всецарица
Молитва 1.
О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из удела Афонского в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне, присно жива сущи, покрый нас многоцелебным Твоим омофором. Тамо, идеже надежда исчезает, несумненною надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощного Врача Христа Спаса нашего. Яко живей Ти сущей с нами молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получивше, прославляем Живоначальную и Нераздельную Троицу, Отца и Сына и Святаго Духа во веки веков. Аминь.
Молитва 2.
Всеблагая, досточудная Богородице, Пантанасса, Всецарице! Несмь достоин да внидеши под кров мой! Но яко милостиваго Бога любоблагоутробная Мати рцы слово, да исцелится душа моя и укрепится немоществующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси, Ты за мя умоли. Да прославляю преславное имя Твое всегда, ныне и в бесконечныя веки. Аминь.
